Kanali i dedikuar nxënësve, RTSH Shkollë që nisi transmetimin më herët seç ishte planifikuar do të vazhdojë të japi mësimin përmes televizionit dhe pas periudhës së pandemisë.
REKLAMA
REKLAMA
Lajmin e ka dhënë Ministrja e Arsimit, Besa Shahini e cila përmes një statusi në Facebook ka njoftuar se projekti do të financohet nga zyra e Kombeve të Bashkuara në Shqipëri dhe UNICEF Albania:
Kemi shumë punë për t’u përgatitur për vitin tjetër shkollor. RTSH Shkolla dhe mësimi digjital do të bëhet pjesë e procesit të zakonshëm mësimor. Edukimi feminist dhe mediatik janë thelbësorë për të edukuar qytetarët e mirë të së ardhmes.
Këto dhe shumë projekte tjera po i realizojmë në bashkëpunim me partnerët tonë kryesorë, United Nations Albania dhe UNICEF Albania
RTSH Shkollë është pjesë e rrjetit digjital të RadioTelevizionit Shqiptar dhe transmetohet pa pagesë për të gjithë qytetarët. Kanali shërbeu gjatë periudhës së karantinës në muajt Mars, Prill dhe Maj për fëmijët e shkollave 9-vjeçare dhe nxënësit e shkollave të mesme. Ndërkaq, kanali vazhdon të transmetojë pjesë nga ciklet mësimore./InfoMediaAlbania/
