Ish-minstri Saimir Tahiri, u paraqit sot në gjykatë së bashku me avokati i tij Maks Haxhia, ku kërkoi pafajësinë.
Pasi ka paraqitur para trupës së gjyqtarëve një mbrojtje voluminoze prej 138 faqesh, ish ministri i Brendshëm ka dhënë edhe një prononcim për mediat duke sqaruar një sërë çështjesh.
I pyetur për rikthimin në politikë, ai u shpreh se nuk ka ikur kurrë nga politika.
“I keni dëgjuar dhe stërdëgjuar dhe nuk e besoj se ia vlen të zgjatem, ne folëm dhe ky ishte i fundit, tani do të flasë gjykata. Ajo që dini, i keni parë, kështu që nuk ia vlen të zgjatem.
Kursejani edhe njerëzve këtë historinë komike të gjyqit tim se është bërë qesharake, se besoj se ka njeri terezi të dëgjojë. Nuk ka ndryshuar asgjë, ne dhe ata të njëtat gjëra.
Unë nuk kam folur shumë gjatë gjatë kohës që kam qenë në gjyq dhe i akuzuar për të respektuar drejtësinë, e kam bërë sikur e konceptoj raportin tim me drejtësinë. Jam i vetmi që lash mandatin për t’u përballuar si qytetar i thjeshtë me drejtësinë. Besoj te drejtësia, por nuk ka rëndësi për mua nëse do të vijë drejtia nga gjykata apo është drejtësia që besoj unë. Para të gjithëve jam super i bindur që kam bërë në cdo hap të punës sime gjënë e duhur, jo më për akuzat e prokurorisë, por edhe të gjykatës të shpërdorimit të detyrës, e kam bërë më mirë se ata që ishin dhe ata që janë.
Saimir Tahiri nuk ka ikur, kjo historia e politikës nuk më tundon sikur nuk më kë tunduar kur ika nga deputetë për t’u përballuar me drejtësinë. Vendimin do ta pranoj pa asnjë diskutim, sa të drejtë, të shoh vendimin dhe do ta flas. Unë di raportin tim me të drejtën dhe kjo nuk kalon as nga prokuroria dhe as nga gjykata. Çmimi i jetës sime nuk kalon nga çmimi i karrierës së tyre (prokurorëve dhe gjyqtarëve)” tha ai.
Gati 6 muaj më parë Jaeld Cela dhe ish ministri Sajmir Tahiri u shpallën fajtor nga Gjykata e Shkallës së Parë për Krimet e Rënda për shpërdorim detyre ndërkohë që prokuroria kërkoi dënimin për akuzën e trafikut ndërkombëtar të lëndëve narkotike.
Për Saimir Tahirin dënimi u konvertua ne 3.5 vite ne shërbim prove ndërsa Jaeld Çela u dënua me 5 vite burg.