Pas emërimit si drejtor i përgjithshëm i Top Channel, Ben Blushi ka bërë lëvizjen e radhës. Blushi ka vetëm pak javë që ka marrë postin e lartë të Drejtorit të Përgjithshëm, pasi u largua nga partia LIBRA. I fundit që u largua është Endri Xhafo, drejtori i komanduar i lajmeve, vënë me urgjencë pas largimit të Ballës, ish drejtor i lajmeve të TCH, tani gazetar i Vizion Plus. Me ardhjen e Ben Blushit në drejtim, shumë prej zgjedhjeve provizore të Vjollca Hoxhës, po zëvendësohen prej ndryshimeve të Blushit.
Por pas këtij lajmi që po qarkullon në mediat në vend, ka reaguar vetë Endri Xhafo duke thënë se është ende në Top Channel dhe e ka mendjen top për të mos lëvizur.
Megjithatë mediat, raportojnë se Xhafo mund të jetë producent i lajmeve të TCH tani e tutje.