Tashmë vetëm një ditë na ndan nga dita e fillimit të ri të sezonit televiziv, 4 Shtatori, ku shumica e televizioneve kryesore do të ndezin sërish motorrët e programacionit të tyre pas pauzës së verës.
Programi i parë që do të hapi ditën do të jetë “Në Shtëpinë Tonë” i cili këtë sezon do të pësojë ndryshime të thella. Duke nisur që nga ora 9.30, do të jemi nën shoqërinë e Anjeza Majës dhe Flori Agalliut i cili vjen për herë të parë si moderator i emisionit, pas largimit të Alban Musës i cili do të jetë pjesë e Digitalb. Emisioni vijë këtë sezon me një skenografi tepër të veçantë e cila i afrohet edhe më tepër emrit, pasi është në formën e një apartamenti.
Jonida Shehu do të rikthehet përsëri pas pushimeve me “Pasdite në Top Channel”. Emisioni do të fillojë në orën 18.00, për të mos u ndarë më nga ekrani deri verën e ardhëshme. Formati i pasdites në TCH këtë sezon, nuk do të pësojë ndryshime.
I kemi quajtur “Dotsat e Top Channel”! Besojmë se e dini për ke e kemi fjalën. Dori dhe Devisi do të vijnë në ekran edhe këtë vit nën drejtimin e “Fiks Fare”. Në orarin tradicional të emisionit investigtiv, 20:10.
“Procesi Sportiv” këtë vit do të pësojë ndryshime. Pas largimit të Marina Vjollcës nga TCH, drejtimi i formatit sportiv i është besuar sërish Edi Manushit i cili kësaj rradhe do të jetë i vetëm në moderim. Emisioni do të transmetohet në orën 22.30 duke filluar nga 4 Shtator. Formati do të kalojë nga e Diela që ishte sezonin e kalar në ditën e Hënë.
Duke filluar nga 8 Shtatori, Top Show Magazine do të jetë përsëri në ekran në orën 21.00 nën drejtimin e Alban Dudushit. Ndërkohë opinionistët e emisionit mendohet që do të jenë sërish Ervin Kurti dhe Albana Osmani, pasi nuk është përfolur gjatë javëve të fundit për ndryshime në këtë program.
Wake Up ndërkohë do të nisi transmetimin më 11 Shtator duke filluar nga ora 07.00 nën drejtimin e Eno Popit dhe Isli Islamit.
“Dua të të Bëj të Lumtur” nuk e ka startin në shtator, por gjatë pjesës së dytë të sezonit të parë. Deri atëherë do të punohet për përzgjedhjen e historive më interesantë, prandaj edhe thirrja për këdo që është i interesuar të jetë pjesë e “Dua të të bëj të lumtur” është e hapur. Formati do të ketë si Autore dhe Moderatore, Arbana Osmanin duke filluar nga muaji Shkurt i vitit të ardhshëm.
Një program që pritet të fillojë në ekranin e Top Channel, do të jetë edhe sezoni i dytë i versionit për fëmijë të “The Voice”, i cili aktualisht nis së shpejti audicionet. Nuk mendohet se këtë sezon të ar
“Portokalli” ashtu si çdo vit do të jetë në transmetim të Dielave duke filluar nga muaj Tetor.
Big Brother ndërkohë nuk do të jetë pjesë e këtij sezoni televiziv, për arsye të “Dua të të Bëj të Lumtur”, dhe përfundimi i programit me histori njerëzore rreth muajit Prill nuk do të lejojë kohë stafit për përgatitjen e shtëpisë të Vëllait të Madh duke patur parasysh se grupi i punës i dy programeve është i njejtë.
