Që nga dita sotme A1Report, nuk do të ekzistojë më. Ish televizioni aset i shoqerisë Ballkan TV është ndarë në dy emra Report Tv dhe A1 TV. Transmetimet e Albanian Screen janë ndërprerë përfundimisht ku frekuencat e këtij të fundit janë zënë nga Report TV, i cili do ti fokusohet tërëisht lajmeve.
Ndërkohë që A1TV ka filluar të transmetojë në frekuencat e ish A1 Report.
A1TV aktualisht është duke transmetuar materiale nga arkiva e tij. Ky televizion ndërpreu transmetimet nga fillimi i transmetimit të A1 Report. Por pritet që A1TV të jetë një konkurent i fortë i televizioneve prestigjoze kombëtare, një target media gjeneraliste.
A1 TV ka qënë pjesë e shoqërisë BallkanTv ku kanë qënë aksionerë Carlo Bollino dhe Brixhida Kokëdhima, bashkëshortja e Koço Kokëdhima, i cili është gjithashtu pjesë edhe administrator i “Gazetës Shekulli”. Përçarja midis këtyre aksionerëve ka shënuar edhe fundin e bashkëpunimit dhe frytit të përbashkët A1Report.
Info Media Albania i uron suksese dy televizioneve më të reja në Shqipëri!
IMA / J.Kasaj