Edicioni i nëntë i X Factor Italia është gati të debutojë në Sky Uno këtë të enjte.
Mungojnë vetëm dy ditë nga fillimi i X Factor 9 në Itali, i cili fillon të enjten, 10 shtator në orën 21.10 në Sky Italia, dhe si çdo vit pritja është e madhe. Kush do të jetë pasardhësi i Lorenzo Fragola, fituesi i edicionit të kaluar?
Natyrisht është ende herët për ta thënë, sepse ende nuk i dimë konkurrentët e edicionit 2015. Por dimë që juria këtë vit ka ndryshuar. Përveç të rikonfirmuarëve Mika dhe Fedez, në poltronat e jurisë do të ulen Elio në vend të Morgan dhe këngëtarja britanike Skin në vend të Victoria Cabello. Ndërsa Mara Maionchi do të jetë gjyqtari i pestë super partes i këtij edicioni.
Eshtë vendosur tashmë edhe ndarja e kategorive për çdo pjestar të jurisë: Skin do të kujdeset për Under Women, Fedez për Grupet, Elio për Over 25 dhe Mika për Under Men. Ndër të tjera, edicioni italian është i pari në botë që përfshin bandat muzikore në kategorinë e Grupeve.
Në prezantimin e programit është përsëri – për të pestin vit rradhazi – i talentuari Alessandro Cattelan.
X Factor 9 përfundon në 10 dhjetor 2015. Edhe këtë vit çmimi final do të jetë një kontratë diskografike me vlerë 300 mijë euro me Sony Music, si dhe mundësinë për të marrë pjesë në Festivalin e Sanremo në kategorinë Big.
IMA / N. Lako