Vullkani më i madh i Europës, Etna ka shpërthyer mbrëmjen e kësaj të diele, rreth orës 21: 20 me orën lokale, pas një tërmeti me madhësi 2.7.
Mount Etna me një lartësi 3,329 m, i konsideruar si i dyti më aktiv në botë pas malit Kilauea të Havait, shpërtheu, duke lëshuar llavë e hedhur mbeturina të zjarrta, ndërsa shtëllunga e hirit të arrinte pesë kilometra në qiellin e Mesdhe.
Një tufë e trashë hiri dhe tymi veshi zonën përreth, dhe kjo vihet re edhe nga pamjet e siguruara nga mediat e huaja. Krateri i Etnas ka nxjerrë llavë dhe hi duke ndezur natën e errët siçiliane në Itali.
Deri më tani nuk raportohet për dëme, por është hera e dytë këtë vit që Etna bëhet aktive pas majit. Pas shpërthimit të djeshëm 17 tërmete janë regjistruar në Siçili si dhe reshje me hi në fshatrat e qytezat përreth Etnas.
Vullkani qëndron në majë të një shtrese midis pllakave tektonike Afrikane dhe Euroaziatike që e bën atë veçanërisht aktiv. Dhjetë njerëz u plagosën në një shpërthim të fuqishëm në 16 Mars 2017.
