Një ngjarje e rëndë ka ndodhur pak minuta më parë në qytetin e Durrësit, ku një grua rreth 60 vjeçe ka tentuar të vetëdigjet me benzinë para bashkisë.
Mësohet se ajo ka dalë fillimisht të flasë me disa gazetarë që gjendeshin aty, ndërsa ka nxjerrë një shishe benizinë nga canta dhe ka tentuar të vetëdigjet. Fatmirësisht policia ka ardhur menjëherë, duek e ndaluar dhe e ka shoqëruar në komisariat.
Informacioni paraprak nga Policia:
“Më datë 14.12.2020, në orën 10:10, përpara Bashkisë së Durrësit, shtetasja F. G., rreth 60 vjeçe, mbante një shishe benzinë në dorë dhe dyshohet se kishte për qëllim të vetëdigjej. Shtetasja F. G. është shoqëruar nga shërbimet e Patrullës së Përgjithshme në ambientet e Policisë.
Grupi hetimor dhe shërbimet e Policisë vijojnë punën për zbardhjen e plotë të rrethanave të ngjarjes.