Partitë politike dorëzuan ditën e djeshme në KQZ listat zyrtare të kandidatëve për deputetë në zgjedhjet parlamentare të 25 Prillit.
Për ti dhënë përgjigje këtyre pyetjeve, i ftuar në “Tempora” në RTV Ora, ishte ish deputeti i Partisë Demokratike, Oerd Bylykbashi, një herazi edhe njohës shumë i mirë i çështjeve zgjedhor.
Përmes disa tabelave të paraqitura në emision, Bylykbashi shpjegoi si do të bëhet përzgjedhja e partive dhe emrave të kandidatëve të dielën e 25 Prillit.
Lexo edhe: Zgjedhjet e 25 Prillit, sa vota i duhen një kandidati në listën jo të sigurtë për tu bërë deputet?
Sonila Meço: Secili ka të drejtë të votojë një subjekt politik dhe një kandidat për deputet, gjithmonë të së njëjtës forcë, do të konsiderohej e pavlefshme…
Oerd Bylykbashi: Ose vetëm kandidatin dhe vlen edhe për partinë
Sonila Meço: Është vendosur një gjë e tillë?
Oerd Bylykbashi: Ata që thonë të kundërtën e kanë gabim thelbësisht. Nëse voton vetëm kandidatin vlen edhe për kandidatin, edhe për partinë apo koalicionin.
Teksa u nxorrën në ekran opsionet për fletët e votimit, Bylykbashi u shpreh se: “E para, fleta e votimit duhet të jetë më e thjeshtë se kaq. Kjo nuk është fleta ideale për zgjedhësit shqiptarë. Votuesi duhet të ketë mundësi të shohë në fletën e votimit emrin e kandidatit. Ky është një vendim që duhet të marrë KQZ, këto ditë, pasi janë vetëm 13 subjekte të regjistruara e për rrjedhojë fleta e votimit do të ketë vetëm 13 subjekte.
Sonila Meço: Nëse votoj vetëm partinë dhe jo kandidatin?
Oerd Bylykbashi: Vlen vetëm për partinë dhe rënditjen që ka bërë partia. Por nëse do të përdorësh votën preferenciale dhe gabon të bësh edhe zgjedhjen e partisë, quhet e pavlefshme.
Kujtojmë se, sipas sondazheve të kryera, rreth 30% e shqiptarëve nuk e dinë si do të votojnë dhe kjo mund të përkthehet në fletë të palvefshme.
