“Si të Vishemi” starton në sezonin radhës në Scan me moderatore të re

Formati i modës në Scan TV këtë sezon të ri do të vij me një ndryshim përsa i përket moderimit dhe risive që do të sjelli.

Fjalën e kemi për emisionin “Si të Vishemi” i cili më parë është prezantuar nga Enxhi Cuku, dhe që duke filluar nga kjo fundjavë formati do të vijë nën drejtimin e Alma Çelaj.

Ky format do të ketë në fokus një personazh V.i.p (politikan, këngëtar, balerin, humorist etj), i cili deri në fund të emisionit duhet të ketë bërë një kombinim veshjeje me një buxhet të caktuar vendosur nga drejtuesit e formatit.

Veshja do të jetë për një temë të caktuar që mund të jetë “veshja në punë, gjatë një pasditeje, veshja në palestër, në ditën e parë të shkollës së fëmijës, party, dasëm, ceremoni zyrtare etj.

Në fund të sezonit të gjitha zgjedhjet që të ftuarit tanë kanë bërë do të vendosen përpara një jurie e përbërë nga tre-katër anëtarë ku do vendosin personazhin VIP të veshur më mirë dhe atë të veshur më keq.

Po kush do t’ia dalë për të qënë më i miri në stilin e të veshurit? Na pritet të ndjekim hap pas hapi puntatat e “Si të Vishemi” në Scan TV duke filluar nga kjo fundjavë./IMA/

loading...

KOMENTO