Procesi i kalimit të transmetimeve televizive nga analoge në digjitale kërkon një ndërgjegjësim dhe informim të publikut për atë që do të sjellë ky ndryshim tek përdoruesit e televizionit të gjeneratës së re, se si ata të jenë të përgatitur për këtë risi dhe fazat që duhen ndjekur, pa anashkaluar mjetet dhe subvencionet që shteti do të ofrojë për ta në kuadër të një ndryshimi që do të përfshijë vendin tonë.
Nëse keni vendosur të blini një televizor të ri duhet të dini gjithashtu që përballë një vedimi të tillë dhe kostove që ofron tregu për blerejen e një pajisje TV nuk është thjeshtë një zgjedhje e lehtë por edhe mundësia që ai do të na ofrojë për të ndjekur kanalet e gjeneratës së re. Larshmëria e modeleve që gjenden në rrjetet më të mëdha vendase të elektronikës janë shumë dhe ofertat që dalin çdo muaj janë po aq tunduese sa të gjithë mund të kemi rënë pre duke përfituar për të çuar në shtëpi një TV të ri me një çmim okazion. Por a kemi bërë zgjedhjen e duhur në blerjen që kemi bërë? Shpenzimi që kemi bërë a ja ka vlejtur apo do duhet të nxjerrim akoma para nga xhepi për të qenë me hapat e zhvillimit teknologjik në këtë fushë dhe më e rëndësishmja a do mund të vazhdojmë të ndjekim kanalet aktuale në të ardhmen me tv që kemi në shtëpi?
Në epokën e transmetimeve digjitale tokësore, proces në të cilin Shqipëria është e vonuar në krahasim me vendet e tjera të Ballkanit dhe Europës, teknologjia e përdorur për marrjen e sinjalit televiziv kërkon respektimin e disa standarteve teknike.
AMA (Autoritetit i Mediave Audiovizuale) gjatë muajit maj nisi fazën e parë informuese për procesin e digjitalizimit nëpërmjet spoteve tv dhe fletëpalosjeve ku ishin të përcaktuara edhe disa nga kriteret që duhen respektuar që çdo përdorues të mund të marri sinjalin digjital. Por ajo që është vënë re dhe që mesa duket nuk është respektuar nga kriteret e specifikuara nga AMA kanë qenë pikërisht bizneset e mëdha të elektroshtëpiakeve në vend. Një nga standartet e transmetimeve për marrjen e sinjalit digjital që do të aplikohet në Shqipëri gjatë procesit të digjitalizimit është DVB-T2. Futja në tregun shqiptar e marrësve digjital ose e televizorëve të pajisur me marrës digjital të cilët nuk përmbushin kriteret e specifikuara nga AMA, përfshirë dhe marrjen e sinjalit në DVB-T2, është e ndaluar me VKM nr. 480, datë 3.6.2015, “Për miratimin e rregullave teknike për aparatet marrëse televizive që do të vendosen në treg”. Këto kriterë janë vendosur për mbrojtjen e konsumatorit në mënyrë që marrësat televizive që do të vendosen në treg të jenë në përputhje me standardet e transmetimeve digjitale në Shqiperi. Edhe pse AMA ka përfshirë në mënyrë të theksuar në fushatën e informimit llojin e marrësave digjital me të cilin duhet të pajiset konsumatori, në tregun shqiptar vazhdojnë të tregëtohen aparatura televizive me standartin DVB-T dhe për më tepër oferta për standartin DVB-T2 nuk i përmbush kërkesat e konsumatorit. Për më tepër çmimet për një TV me këtë standartin e gjeneratës së dytë arrijnë çmime të papërballueshëm për konsumatorin shqiptar.
