Agjensia e lajmeve Bloomberg ditën e djeshme ka zbuluar paraprakisht detajet e marrëveshjes më të fundit midis Sky Italia dhe Telecom Italia Media.
Sipas kësaj marreveshje Telecom Italia i jep për përdorim (qira) operatorit televiziv satelitor për nje periudhe 5-6 vjeçare mundësinë e transmetimit të 5 kanaleve numerike duke filluar nga 1 tetori. Marrëveshja, e raportuar nga Bloomberg, vjen pas asaj të nënshkruar prillin e kaluar për shpërndarjen e përmbajtjes pay-tv të Sky me anë të rrjetit të fibrave optike të ofertës IPTV të Telecom.
Lajmi, natyrisht, duhet të lexohet në lidhje me atë që do të ndodhë në orët në vazhdim. Të hënën në mëngjes, në fakt, do të mblidhet Asemblea e Serisë A për të vendosur mbi dhënien e të drejtave televizive për periudhën 2015-2018; kujtojme që Sky, sipas zërave që qarkullojnë kohëve të fundit, ka paraqitur ofertën më të lartë për 8 ekipet më të rendësishme (duke përfshirë Juventus, AC Milan, Inter, Napolin dhe Romën) si për transmetimin satelitor dhe ate digital, ndërsa Mediaset është e avantazhuar për oferten e paraqitur për 12 ekipe (Paketa D).
Që nga 1 janar 2012 Sky zotëron të drejten e transmetimit me pagesë në digital tokësor dhe pas marrëveshjes të fundit me rrjetin e Telekom, Murdoch mund të arrijë të mbulojë me një ofertë pay tv 95% të familjeve italiane. Për më tepër, brenda ketij viti është parashikuar nga ana e Sky Italia nxjerrja ne treg e nje dekoderi të ri multi-platformë (satelitor, tokësore dhe internet tv) për të arritur në këtë mënyrë të gjithë përdoruesit e mundshëm.
