Shpesh herë tek kemi lexuar statuse në rrjetet sociale kushtuar sportit e në veçanti futbollit në lidhje me komentatorët sportiv të RTSH, komentet e teleshikuesve nuk kanë qenë dhe aq pozitive, duke i klasifikuar aspak profesional dhe me një background të varfër. Mesa duket, kjo pakënaqësi është përcjellë edhe nga departamenti sportiv në RTSH i cili ditët e fundit ka vendosur të realizojë një audicion për të perzgjedhur komentatorin/ren e ri që do të komentojë në disa nga ndeshjet e Botërorit Brazil 2014. Fituesi, gjithashtu, do të ketë mundësi të përfitojë një kontratë 1 vjeçare me RTSH Sport, kanali digital dedikuar sportit, pjesë e platformës RTSH Digital.
Audicioni do të zhvillohet në datat 20-21-22 qershor (nga ora 10.00-12.00) në hollin e RTSH. Per më tepër shikoni spotin televiziv.
