Pas suksesit në sezonin e kaluar veror, rikthehet në ekranin e Canale 5 soap opera turke që bëri për vete publikun italian. Mediaset do të transmetojë episodet e reja të “Cherry Season – La Stagione del Cuore” duke filluar nga sot 5 qershor, nga e hëna në të premte, ora 14.45.
Cherry Season është seriali i parë i xhiruar dhe prodhuar në Turqi që transmetohet në një televizion gjeneralist italian dhe vitin e kaluar arriti shifra rekord të audiencës: me një mesatare që i kalonte 2.000.000 teleshikues me episode që për pak preknin shifrën e 3.000.000 teleshikues dhe me një share prej 25%.
Historia e dashurisë midis stilistes së re Öykü Acar (Özge Gürel) dhe arkitektit bukurosh Ayaz Dinçer (Serkan Çayoglu), u kthye në fenomenin televiziv italian të momentit, suksesi i të cilit kaloji shifrat e audiencës jo vetëm në TV por edhe online në portalin e Mediaset.
Kujtojmë që seriali në Shqipëri erdhi ekskluzivisht në Tring e më pas në ekranin gjeneralist të Vizion Plus, ku përfundoi javë më parë me një sukses në ndjekshmëri edhe pse ishte transmetuar më parë në pay-TV.
