Kanë përfunduar më në fund xhirimet e filmit The Man Who Killed Don Quixote / Njeriu që vrau Don Kishotin. Pas 17 vite turbulencash projekti i Terry Gilliam ka mbërritur të mbyllet me sukses duke i dhënë fund xhirimeve.
Filmi me aktorët Adam Driver, Olga Kurylenko, Michael Palin dhe Jonathan Pryce kushtuar personazhit më të njohur të letërsisë spanjolle të autorit Miguel de Cervantes në vitin 1605.
Lajmin e përfundimit të përfundimit të xhirimeve e ka bërë të ditur vetë regjizori me një postim në Facebook me një foto nga sheshxhirimi ku shkruan: “Kërkoj ndjesë për këtë heshtje të gjatë. Kam qenë i zënë me valixhet dhe tashmë po kthehem në shtëpi. Pas 17 vitesh kemi përfunduar xhirimet e The Man Who Killed Don Quixote. Muchas Gracias të gjithë skuadrës dhe të gjithë atyre që na besuan. Quixote është gjallë!”.
I ambientuar në ditët tona, filmi është produkt i një pune të vazhdueshme për të përshtatur në një farë mënyre subjektin me aktorët, ku Driver shfaqet në rolin e një regjizori publicitar ndërsa filmi ka përdorur një buxhet prej 17 milionë dollarë.
Gati tashmë pë fazën e post-produksionit, The Man Who Killed Don Quixote parashikohet të shfaqet në kinema gjatë vitit 2018. Kujtojmë që emrat aktorëve kanë ndryshuar disa herë (sikurse edhe subjekti) dhe janë marrë në konsideratë emra si Ewan McGregor, Robert Duvall dhe John Hurt.