Ndërsa prej kohësh kishte nisur transmetimet e tij në internet, si një “web tv”, Syri TV, kanali i portalit informativ gjeneral “Syri.net” duke filluar që nga dita e sotme ka nisur transmetimin edhe në analogun digjital.
Kohë më parë, IMA njoftoi se së shpejti planet për të hapur një televizion nga drejtuesi Çim Peka ishin të afërme dhe ashtu siç duket Syri TV do të jetë pjesë e kanaleve televizive tokësore.
Lexo edhe: Së shpejti një televizion i ri në median shqiptare
Syri.TV do të transmetojë si pjesë e platformës digjitale të RTSH dhe do të stacionohet në kanalin 25 dhe 35.
Kanali ditën e sotme ka çelur edhe transmetimet me emisionin “Çim Peka Live” i cili ka mirëpritur në një analizë politike dy gazetarët ikonik të ekranit, Sokol Balla dhe Blendi Fevziu.
Ndërkohë pritet që së shpejti Syri TV të shtojë larmishmërinë e programeve gjatë javëve në vijim/IMA/