Këtë të mërkurë, Indeksonline ka mësuar se Kelvi Kadilli është pushuar nga emisioni “Pop Culture”, që drejtonte prej më shumë se dy vitesh, njëkohësisht dhe nga televizioni Top Channel. Përpos mosmarrëveshjeve të herëpashershme lidhur me respektimin e kushteve të kontratës, burime për Lapsi.al bëjnë me dije se ritransmetimi për të dytën herë i intervistës së Jonida Maliqit në Pop Culture, ishte arsyeja që pak javë më parë ka sjellë në vendimin e pakthyeshëm të drejtuesve të institucionit mediatik, për të pushuar nga puna Kelvi Kadillin.
Nuk bëhet e ditur akoma nëse Kelvi do ta përfundojë sezonin e Pop Culture apo tashmë, programin do ta shohim të drejtuar vetëm nga dy vajzat.
Kelvi Kadilli u pa në ekranin e Top Channel fillimisht në emisionin Pop Culture të cilin e drejtonte bashkë me moderatoren Dojna Mema. Pas një viti, ata u kthyen sërish në po të njëjtin format,por kësaj radhe me një ndryshim. Bashkë me ta do të ishin dhe dy prezantues të tjerë, Andi Vrapi dhe Xheni Muça.
