Një super bashkëpunim është rrugës. Tayna po bashkon forcat me reperen ndërkombëtare, shumë të njohur sidomos në Angli, Ivoriandoll. Lajmin e ka zbuluar vetë reperja nëpërmjet një fotoje të publikuar në Instastory. Kënga do publikohet më 18 mars teksa ende nuk është zbuluar titulli i projektit.
Pak ditë më parë u raportua se Tayna po bashkëpunon edhe me reperin më në zë të momentit, Don Xhon. Raportohet se kënga e tyre është finalizuar dhe tashmë pritet vetëm data e publikimit. Paraprakisht dihet vetëm se kënga nuk do të jetë melankolike dhe me temë dashurie, por më “e egër” në stil. Deri tani nuk ka asnjë reagim nga dyshja rreth këtyre zërave, por lajmi pritet të konfirmohet në ditët në vijim.
Aktualisht, Tayna është duke shijuar suksesin e bashkëpunimit të saj më të fundit me Cricket dhe Flori Mumajesin, të titulluar “Magdalena”. Ky projekt është pritur shumë mirë nga fansat dhe deri tani numëron miliona klikime.
