“Dancing Albania” është më afër se kurrë startimit të edicionit të pestë në ekranin e “Vizion Plus”. Pak nga pak po dalin në drite personazhet VIP të cilët do të përballen me njëri-tjetrin në skenën e madhe.
Stafi i “IMA” ka arritur të mësoj një tjetër emër që do të ngjitet në teatrin e yjeve për të emocionuar publikun me vallëzime. Pavarësisht përplasjeve të emrave të ndryshëm kemi arritur të mësojmë, kësaj radhe të sigurtë, Ingrid Gjonin, si pjesë e këtij edicioni. Këngëtarja e hitit “Mbretëreshë” do të ngjitet në skenë me synimin për të bërë sa më shumë për vete publikun dhe jurinë, gjithmonë për të qenë një ndër pretendentet e fuqishme të këtij edicioni të “Dancing…”.
Gjithashtu kemi arritur të zbulojmë edhe dy emra të tjerë, të cilët vazhdojnë të lakohen nëpër koridoret e “Vizion Plus”. Bëhet fjalë për Kristi Popën dhe Elton Dedën, por nuk dihet saktësisht se cili do të jetë roli i secilit në këtë spektakël. Këta dy personazhe ka mundësi që mund të jenë edhe pjesë e jurisë, por edhe pjesë e konkurimit. Gjithsesi, në ditët në vazhdim natyrisht do të ketë më shumë detaje. Përderisa flitet se Iva Tiço nuk do të jetë më në panelin e jurisë, e cila largohet pas katër edicioneve. Ka të reja në skenografi, e cila natyrisht do të jetë e standarteve të cilësuara nga “BBC” dhe detajeve të tjera të evolimit të teknologjisë.
Në fakt këtë edicion produksioni ka vendosur që të jap shumë pak detaje për konkurentët dhe risitë e spektaklit, për të mos thënë fare. Megjithatë, përmes burimeve krejt të tërthorta ne kemi arritur të nxjerrim shumë emra konkurentësh, që natyrisht disa prej tyre edhe nuk do të jenë pjesë e garës, kjo në sajë të ndryshimeve dhe mospranimit të ftesave nga VIP-a të ndryshëm, apo edhe burime keqdashëse informacioni. Gjithsesi, “Dancing…” po vjen dhe të gjithë po bëhemi gati të shohim spektakël të hënave. Kësaj radhe me dy konkurent të kundërtë, me po të njëjtën temë, vallëzimin.
IMA / S. Dema
