Televizioni Publik Shqiptar sapo ka nisur për herë të parë transmetimin digjital në rrethin e Durrësit dhe Tiranës.
RTSH aktualisht është duke transmetuar në fazën testuese në 7 kanale, 1 prej tyre RTK, RTSH ART, RTSH Sport, si edhe 4 kanale të tjera HD por me të njejtin programacion, atë të kanalit kryesor të televizionit publik.
Transmetimet digjitale të standardit DVBT2 mundësohen nga 59 stacione, 49 prej të cilëve janë krejtësisht të rinj të ndërtuar sipas standardeve më të larta të teknologjisë së kohëve tona.
Aktualisht ka nisur testimi i sinjalit digjital për alotmentin e Tiranës i cili përfshin zonën gjegografike Tiranë, Durrës, Kavajë, Krujë. Kamera e Televizionit Shqiptar fiksoi momentet e para të nisjes nga puna të stacioneve të reja që do të mundësojnë testimin e sinjalit digjital nga stacionet e Fushë Dajtit, Kodrës së Prezës, Kodrës së Lapidarit mbi pjesën lindore të Tiranës dhe Stacionin e Arapajt në Durrës që mbulon vijën bregdetare të Durrësit dhe Kavajës. Puna ka ecur me ritme të shpejta dhe ditët në vazhdim janë vendimtare për të testuar sinjalin në një nga zonat gjeografike më të rëndësishme të vendit, siç është alotmenti i Tiranës.
Çdo stacion transmetimi ka dy frekuenca të cilat do tu ofrojnë mijëra teleshikuesve përveç kanaleve të RTSH edhe ndjekjen e operatorëve të tjerë lokalë televizivë të cilët janë në numër të konsiderueshëm në nivel kombëtar.
Digjitalizimi | Ja kanalet që do të ofrojë RTSH në paketën e saj digjitale
Ambicia teknologjike e RTSH-së vijon me nisjen e vitit të ri 2017. Në janar nis testimi i sinjalit digjital për Fierin dhe në shkurt për alotmentin e Korçës. Shqipëria është e ndarë në 11 zona të cilat do të mbulohen nga sinjali digjital i RTSH prej 59 stacioneve të transmetimit në të gjitha skajet e vendit.
https://youtu.be/FoNsBJGErao