Rrjeti amerikan Fox ka rinovuar serialin e animuar The Simpson për dy sezone të tjera, përkatesisht sezoni 27-të dhe 28-të. Me pak fjalë, seriali do arrij numrin e 625 episode.
Kështu Fox nuk është kursyer në realizimin e sezoneve të reja të The Simpson, kjo falë suksesit që seriali i animuar vazhdon të korr në ndjekshmëri: fundi i sezonit të 26-të ka arritur të ndiqet nga 6.2 milion spektator çdo episod, me një target moshe 18 – 34 vjeç, gjithashtu është në listën Top 10 të programeve më të ndjekur amerikan. Jo vetëm kaq, deri tani The Simpson kanë fituar 31 çmime Emmy.
Historitë e familjes së verdhë janë kthyer në më të dashurat jo vetëm për publikun amerikan por edhe atë botëror, të cilët vazhdojnë të ndjekin episodet e reja dhe ato të ritransmetuara me shume interes. Sa keq që asnjë nga televizionet shqiptare nuk e transmeton këtë serial që me siguri do të ishte i suksesshëm edhe tek ne.
