The Voice Kids nis sonte fazën e betejave

‘The Voice Kids’ zbulon formulën e Betejave! Audicionet e Fshehura u mbyllën të premten e shkuar, duke i lënë radhën pjesës më të “ashpër” të spektaklit.

Skuadrat janë të plotësuara. Trajnerët janë gati për Betejat që do të shohin fëmijët përballë njëri-tjetrit në ring. Secili nga trajnerët ka 18 talente në ekipin e tij. Ndryshe nga ‘The Voice’ për të rritur, Betejat në ‘The Voice Kids’ janë ndërmjet 3 artistëve dhe secili trajner do të ketë nga 6 Beteja.

Janë trajnerët ata që do të vendosin se cilët nga fëmijët do të jenë në garë bashkë në ringun e Betejave të ‘The Voice Kids’. Do të jenë ata që do të vendosin fituesin që do të vazhdojë aventurën e tij edhe më tej. Betejat janë një fazë e mbushur me emocione të forta që do të tregojë edhe më tej talentin e fëmijëve pjesëmarrës në këtë talent show.

Ndërkohë në rrjetet sociale prej kohësh ka nisur “beteja” midis mbështetësve të skuadrave. Çdo javë publiku e tregon mbështetjen ndaj skuadrave të tyre të preferuara, duke komentuar ose vendosur hashtag-un përkatës.

Cila do të jetë skuadra më e fortë? Ajo që do të vjedhë më shumë zemrat e publikut? Sonte në mbrëmje, ora 21:00 në Top Channel, mos humbisni Betejat!

REKLAMA
loading...

KOMENTO

This site uses Akismet to reduce spam. Learn how your comment data is processed.