Top Channel në vështirësi ekonomike, mbyllet redaksia e Prishtinës

Bashkohuni me grupin tonë zyrtar në Facebook duke klikuar këtu!

Top Channel duket se po kalon në një fazë të vështirë financiare. Pasi mbylli Zyrën në Shkup, ky televizion pritet ta mbyllë në muajin qershor edhe Zyrën e tij në Prishtinë.

Gazeta Express, përmes burimeve të saj brenda Top Channel, merr vesh se drejtuesit e këtij televizioni kanë vendosur ta mbyllin zyrën e tyre në Prishtinë; zyre kjo që ka funksionuar për më shumë se një dekadë.

Shkak janë problemet financiare.

“Gazetarëve dhe punëtorëve tjerë teknikë në Prishtinë tashmë ua kemi kumtuar lajmin se nga qershori do ta mbyllim zyrën”, ka thënë një burim i Gazetës Express nga Top Channel, në kushte anonimiteti. Të kontaktuar nga Express, drejtuesit e zyrës në Prishtinë kanë mohuar të kenë vendim të prerë për mbylljen e redaksisë.

“Nuk ka asnjë vendim të tillë. TOP Channel do të vazhdojë të operojë edhe me tutje në Kosovë. Nuk bëhet fjale për asnjë mbyllje të Top e as shuarje te biznesit”, ka thënë Erina Matraxhiu, Shefe e Zyrës në Prishtinë e Top Channel.

Derisa kur është pyetur se a do të ketë largim të punëtorëve apo diçka të tillë, ajo ka thënë se nuk mund të flasë për këtë.

“Kjo nuk me takon mua. Këso vendime marrin njerëzit e tjerë të TOP-it. Por, ajo që mund të them unë është se TOP do të jetë prezent në Kosovë dhe nuk ka mbyllje”, ka thënë ajo.

Ditë më parë, Top Channel ka mbyllur edhe redaksinë në Shkup, ndërkaq muajin që shkoi Top Media mbylli edhe gazetën e saj “Shqip”.

Përveç problemeve pronësore, Top Media duket se po kalon në vështirësi të mëdha financiare

Marrë nga Dritare

Artikulli paraprakDhunohet barabarisht gazetari i “Telesport”
Artikulli tjetërEurovision Song Contest 2016 | Mbyllet Nata e Parë Gjysëmfinale, ja cilët janë 10 finalistët e parë!