Viti i kaluar pruri në Vizion Plus disa nga produksionet amerikane më të ndjekura si Shërbyese të Djallëzuara, Scandal dhe Revenge, seriale të cilat edhe pse larg shijeve të publikut të gjerë, i cili viteve të fundit ka preferuar produksionet turke, arritën një shikueshmëri të qendrueshme për kanalin e tretë më të rëndësishëm në Shqipëri. E ndërsa publiku i apasionuar rreth intrigave të shërbëtoreve më të famshme amerikane, mistereve dhe njenjës për hakmarrje të Emili apo çeshtjeve gjyqësore të avokates Olivia pruste të shihte vazhdimin e episodeve ne V+ janë habitur por si ne teksa kanë parë promot e këtyre tre serialeve (sëfundmi Revenge dhe Scandal) në Top Channel. Nuk dihet nëse Vizion Plus ka hequr dorë nga blerja e sezoneve të reja apo TCH ka arritur të ofrojë më shumë për serialet e gjigandit amerikan ABC, e sigurt është që Top Kanali i ka siguruar një tjetër fetë torte audiencës së tij me këto tre super produksione duke nxjerrë jashtë loje konkurentin e tij me blerjet e fundit. Top Channel është i vetmi televizion që nuk është përfshirë nga trendy i produksioneve turke duke i qendruar besnik produksioneve amerikane, latine dhe italiane edhe pse shumë e konsiderojnë një zgjedhje të gabuar duke parë suksesin që serialet turke po korrin në të gjithë botën.
Por Vizion Plus nuk është i vetmi televizion nga i cili Top Channel ka përvetsuar seriale të suksesshëm. Muaj më parë The Mentalist që transmetohej prej më se dy vitesh në RTSH, tani mund të ndiqet në TCH.