Top Channel këtë sezon televiziv do të sjellë në ekran një serial tërësisht shqip i titulluar “$NOB”.
Seriali trajton hendekun e thellë të dy botëve hendeku i thellë dy botëve në Shqipërinë e këtyre viteve, ndarje që përcillet përmes paragjykimeve, intrigave, dramës, pasionit dhe ankthit.
Ky prodhim televiziv, ndër të pakët seriale të realizuar në gjuhën Shqipe, vjen si prodhim i “Anabel Entertainment” në bashkëpunim me kompaninë kinematografike “Nilor Film” duke mbledhur artistë të njohur të botës së kinematografisë.
Në kastin e aktorëve bëjnë pjesë personazhe si Eva Alikaj, Eni Jani, Dritan Kastrati, Indrit Çobani dhe Aleks Seitaj, ndërkohë që nuk do të mungojë dhe brezi i ri aktorëve në vendin tonë.
$NOB vjen me skenar të Dalina Buzit, nën regjinë e Redi Trenit si dhe drejtor fotografie Latif Hasollin.
Ndërkohë që pritet të fillojë në vjeshtë, me nisjen e sezonit të ri televiziv, $NOB do të ketë gjithësej në sezonin e parë 10 episode nga 60 minuta secili./IMA/