Prej kohësh tashmë një nga temat më të diskutuara përsa i përket televizionit është edhë sezoni i nëntë i realit show-t më popullor vitet e fundit në Shqipëri, Big Brother Albania. Një patentë e Endemol, e cila në sezonin e nëntë shënoi humbjen e parë përsa i përket shikueshmërisë, e cila ra ndjeshëm, shkak sipas publikut ishte largimi i moderatores Arbana Osmani por edhe shfaqja e një prej serialeve më të shikuar për vitin që lam pas “Diamant dhe Dashuri” ne TV Klan që transmetohej në të njejtën fashë orari me Big Brother.
Në fakt vetëm pak para disa ditësh erdhi dhe një konfirmim, i cili mbetetej ende enigmatik dhe pse i pa konfirmuar. Burime të InfoMedia Albania pranë Top Channel bëjnë me dije se do të ketë një edicion të ri të realit show-t por që edhe pse është ende në diskutim në Shqipëri, ky formart mund të sjelli një edicion special i cili do të titullohet “VIP Brother”, në të cilin do të marrin pjesë persona publikë për ekranin.
Por nëse Big Brother fillon në vjeshtë, në të mund të ketë një ndryshim të ri përsa i përket moderimit. Ashtu siç ju kemi informuar ekskluzivisht më parë, Ledion Liço në sezonin e ri televiziv do të fillojë një emision të tijin, me karakter satire, gje kjo që mund të bëhet edhe një ndryshim përsa i përket moderimit të Big Brother. Por gjithçka mbetet ende në formën e një gossip e cila mund të konfirmohet në javët në vazhdim.
InfoMedia Albania // Justin Kasaj | Ndalohet kopjimi i këtij materiali si dhe shtypja e tij në formate print pa MIRATIMIN e redaksisë!
