Prej kohësh RadioTelevizioni Shqiptar, përveç azhornimit të vazhdueshëm dhe në kohë reale të faqes zyrtare në internet, ka shtuar edhe seksionin e publikimeve në të cilën gjendet informacion i nevojshëm mbi statusin e RTSH, parimet editoriale, raportet ekonomike vjetore etj.
Ndër to është edhe “Këndi i Transparencës”, që është një hapsirë me të cilat RadioTelevizioni Shqiptar, ashtu si çdo insititucion zyrtar është i detyruar sipas legjislacionit në fuqi, të japi në transparencë të plotë se ku shkojnë të ardhurat e taksapaguesëve.
Por në këtë hapsirë u bë kohë që transparenca e “RTSH-së” është “harruar” prej kohësh. U bë një vit që nga organizimi i edicionit të 55-të të Festivalit të Këngës dhe publikimi i një tabele përmbledhëse për të interesuarit rreth të gjitha të ardhurave që janë shpenzuar, por ndërsa po kalojnë 2 muaj nga edicioni i 56-të i FIK, ende RTSH nuk ka publikuar asnjë informacion për publikun. Teksa duhej të publikohej vazhdimisht çdo investim që RadioTelevizioni Shqiptar zhvillon, të gjitha lekët që qytetarët paguajnë përmes taksës të bashkangjitur me energjinë elektrike mbeten pa asnjë lloj transparence.
Përveç kësaj, edhe hapsira e raporteve ekonomike-financiare është e pa azhornuar që prej vitit 2014, duke lënë në mëdyshje çdo të dhënë për të interesuarit.
IMAlbania.com, i ka drejtuar një kërkesë me email (edhe pse zor të gjesh një email zyrtar dhe kryesor) televizonit publik, për të dhënat financiare të mësipërme por prej ditësh nuk ka marrë përgjigje duke parë kështu një neglizhencë në transparencën e një enti shtetëror për mediat, por njëherazi edhe për publikun.
Shpresojmë që së shpejti RTSH të “kujtohet” nga kjo harresë që ka rënë, dhe ta azhornojë seksionin e publikimeve me materialet e nevojshme.
