Kemi luksin që prej një viti të kemi në ekranet shqiptare, më në fund, një program kushtuar tërësisht gatimit. Tashmë “Master Chef Albania” është një realitet i ekraneve shqiptare në sezonin e tij të dytë. “Top Channel” ka korrur një sukses super të konsiderueshëm me këtë projekt dhe padyshim ka ngjallur zili në median e gjerë.
Kështu, “TV Klan” po mendon që të sjell një konkurent tjetër për “Master Chef”. Projekti i një programi kulinarie ekziston në letër dhe shumë shpejt mund të bëhet realitet. Flitet se do të jetë një tjetër emër i suksesshëm i një patente ndërkombëtare dhe synimi natyrisht, përveç argëtimit të publikut, do të jetë edhe konkurenca me një ndër formatet më të suksesshëm në botë, në botën e kuzhinës, “Master Chef”. Nuk ka detaje se cili është emri i programit që “TV Klan” do të tentoj të marrë të drejtat, por ajo është e sigurtë, është që programet e kulinarisë në mediat ndërkombëtare janë me shumicë. Nëse “Klan” do të arrij të siguroj atë të duhurin mbetet për t’u parë. Nëse “Klan” do të arrij të konkuroj denjësisht “Master Chef-in”, mbetet për t’u parë.
IMA / S. Dema
