Ekrani i serialeve madhështore, “TV Klan”, këtë sezon të ri televiziv ka investuar fuqishëm në seriale. Shumë tituj të rinj janë shtuar në listën e audiencës dhe realisht ka shumë për të përzgjedhur e për të pëlqyer.
Si gjithmonë “TV Klan” nuk heq dorë nga serialet turke, të cilat përpara disa viteve thyen barrierën në Shqipëri përmes këtij kanali. Kështu, dy tituj të rinj, tejet të sukseshëm kanë filluar apo fillojnë transmetimin ekskluziv në “Klan”. I pari një sukses i acces prime time i titulluar “Son” që përshatur në shqip artikulohet “Fundi”. Pikërisht një serial me pjesëmarrjen e disa aktorëve të “Ezel”. Ndërsa i dyti serial turk në “Klan” është një super serial i prodhuar së fundmi që ka rezultuar i suksesshëm në Turqi. Bëhet fjalë për “Kurt Seyit ve Sura”, serial të cilin “Klan” e rrëmbeu të drejtën e transmetimit nga “Vizion Plus” pak ditë më parë. 14 seritë e sezonit të parë do të transmetohen çdo të diel, ora 20:15, nga dy seri për javë. Suksesi i tij është i garantuar, duke marrë parasysh pjesëmarrjen e Kivanç Tatlitug, aktori i Behlul në “Dashuri e Ndaluar”, transmetuar sezonin që kaloi po në “TV Klan”.
Por, “Klan” nuk është ndalur me kaq, një tjetër alternativë u është shtuar shikuesve dhe adhurusëve të serialeve. Kësaj radhë bëhet fjalë për një risi të re në ekranet shqiptare. Për herë të parë provohet një serial indian. Dhe në fakt jo pak i suksesshëm. Por, a do të këtë të njëjtin sukses si në të gjithë botën edhe këtu në Shqipëri i famshmi “Bidai”? Mjafton ta ndjekim çdo pasdite në valët e “TV Klan “ për të mësuar hap pas hapi ndodhitë interesante të këtij seriali me nga dy seri 30 minutëshen në ditë.
Gjithashtu “Umutsuz Ev Kadinlari” apo versioni turk i “Shtëpiake të Dëshpëruara” pritet më në fund të ketë premierën në territorin shqiptar. Po në “Klan” dhe shumë shpejt çdo të martë e të mërkurë në prime time. Një konkurencë kokë më kokë me një tjetër serial turk në “Vizion Plus”, “Karadayi”.
Në “Klan” mund të gjeni shumë alternativa këtë sezon, ju zgjidhni më të mirin.
IMA / S. Dema