Që kur Elon Musk bleu Twitter, ndryshimet në këtë aplikacion s’kanë ndaluar.
Musk vendosi rregullat e reja sipas dëshirës së tij, madje tashmë ka vendosur edhe një kusht të ri: S’ka më shenjë verifikimi vetëm sepse je personazh i famshëm.
Tashmë, kushdo që dëshiron një shenjë blu verifikimi duhet të paguajë 84 dollarë në vit.
Pra, Musk po kërkon më tepër para! Për këtë arsye ai i ka hequr shenjën e verifikimit edhe llogarive të VIP-ave.
Më 20 prill, siç kishte njoftuar Musk, Twitter filloi të kontrollonte mijëra llogari të verifikuara “të trashëguara” – ato që kompania i kishte konsideruar më parë si “aktive, të dukshme dhe autentike” – përveç nëse ata përdorues ishin abonentë të Twitter Blue.
Disa nga të famshmit më të ndjekur në Twitter që kanë humbur statusin e tyre të verifikimit përfshijnë Justin Bieber, Beyonce, Katy Perry, Cristiano Ronaldo, Lady Gaga, Kim Kardashian, Selena Gomez, Bill Gates, Justin Timberlake, Shakira, Jennifer Lopez, Oprah Winfrey e shumë të tjerë.
