Thuajse 1 muaj më parë dy tërmete të fuqishëm, të shoqëruar edhe nga disa pasgoditje po kaq të rënda, goditën Turqinë dhe Sirinë, duke lënë mbi mijëra viktima në të dy shtetet dhe shumë dëme materiale. Mes personave që gjendeshin në rrënoja dyshohej se ishte edhe aktorja shumë e njohur turke, Cansu Dere, që sigurisht ju mund ta njihni më mirë si “Ejshani” i Ezel-it.
Aktorja 42-vjecare jetonte në zonën e prekur nga tërmeti dhe fakti që ajo prej shumë ditësh nuk ishte aktive as në rrjetet sociale dhe në intervista, si të gjithë kolegët e saj, shtyu njerëzit të mendojnë se Dere mund të kishte qenë viktimë e lëkundjeve vdekjeprurëse.
Edhe pse gazetarët e showbiz-it konfirmuan se ajo ishte mirë dhe në fakt ishte parë duke ndihmuar në shpërndarjen e ndihmave për të prekurit nga tërmeti, madje edhe një video e saj qarkulloi duke punuar bashkë me disa persona të tjerë, sërish fansat e saj mbetën të shqetësuar, duke qenë se edhe video-ja nuk ishte shumë e qartë.
Megjithatë, së fundmi ka qenë vetë aktorja që i ka dhënë fund të gjitha dyshimeve, duke kontaktuar me mediat dhe duke deklaruar se është mirë dhe kishte vendosur vetë të qëndronte e tërhequr nga vëmendja publike.
“Nuk ishte qëllimi im të shqetësoja dhe të trembja askënd. Unë nuk jam dikush që përdor shumë rrjetet sociale. Instagrami më shërben si një album ku ndaj momentet e mia të lumtura”- u shpreh Cansu për “CNN Turk”.
Marrë nga news-31.com
