Prime-n e kaluar të “Big Brother VIP” Armaldo Kllogjeri i bëri një surprizë të gjithë banorëve dhe ndjekësve të reality show-t, duke performuar këngën “Ta Dije”, një projekt i realizuar me kërkesë të vetë Maestros, nga Shpëtim Saraci dhe Alban Kondi. Kënga u pëlqye menjëherë nga publiku, jo vetëm për faktin se i kushtohej grave dhe nënave, të paktën kështu tha Armaldo, por edhe pse është mjaft ritmike dhe e realizuar bukur.
Megjithatë, mes shumë komplimentave që ky krijim ka marrë si në rrjetin social Instagram, ashtu edhe në Youtube, është vënë re edhe një pretendim i disa personave që thonë se në fakt kënga është e kopjuar nga artisti i njohur grek Konstantinos Argiros. Për ta “Ta Dije” është shumë e ngjashme me “Eleftheros”, një nga këngët më të pëlqyera të këngëtarit nga vendi fqinj dhe në fakt po t’i dëgjoni mund ta vini re ngjashmërinë.
Fakti që në përshkrimin e projektit të Maestros nuk shfaqet emri i artistit grek, por vetë i Saracit dhe Kondit, për shumë njerëz do të thotë që e kanë “vjedhur” ose “kopjuar”, por ndoshta ata thjesht janë frymëzuar. Megjithatë, më poshtë keni të dyja këngët, mund të vendosi vetë se cfarë ka ndodhur, për sa kohë nuk kemi një version zyrtar:
Marrë nga news-31.com
