Vendimi i gjykatës suedeze kundër kompanisë pirate ATN

Kompanitë e mëdha beIN MEDIA GROUPdhe Digitalb Sh.A kanë arritur një fitore të rëndësishme pasi gjykata suedeze ka dhënë vendimin “Arrest me burg dhe dëmshpërblim €20m”, kundër transmetuesit pirat ATN.

TIBO IPTV si partner zyrtar me Digitalb, e ndjen si detyrim për ta theksuar këtë shqetësim për konsumatorët, të cilët bien pre e shërbimeve të pasigurta të ofruara prej piratëve, dhe për rrjetin e distribucionit që të denoncojnë çdo rast vjedhjeje që cenon shërbimin ndaj konsumatorit shqiptar.

Në lidhje me vendimin Z. Alban Jaho, Drejtori i Përgjithshëm i DigitAlb SH.A u shpreh se: “Vendimi i sotëm përcakton një precedent të qartë se ata që janë përgjegjës duhet të paguajnë humbjet e mëdha financiare që i kanë shkaktuar pronarëve të ligjshëm të përmbajtjeve që po vjedhin. Pirateria është vjedhje – qartë dhe thjeshtë – dhe është e drejtë që përgjegjësit të dënohen. Në këtë rast, janë vendosur gjobat dhe kushtet e dënimit me burg dhe shpresojmë që kjo të jetë shembull për autoritetet e tjera anembanë botës”.

Nordic Content Protection, grupi i industrisë së anti-piraterisë për transmetuesit nordikë, e paraqiti fillimisht ankesën kundër ATN në krimin e pronësisë intelektuale të Suedisë në Departamentin e Operacioneve Kombëtare dhe Prokurorinë Ndërkombëtare në vitin 2016. Të tre të pandehurit u gjykuan për krime të ndryshme sipas ligjit suedez duke përfshirë Shkeljet i Aktit për dekoderat, Shkelja e Ligjit mbi të Drejtën e Autorit, Krimet kundër Aktit të Armëve Ofensive dhe Krimi kundër Akti të Markave Tregtare; dhe ka dhënë dënime me burgim duke filluar nga një vit në dy vjet e gjysmë. Të pandehurve u është urdhëruar të paguajnë një total prej 18.8 milion euro dëmshpërblim (plus interesat dhe kostot ligjore) për beIN MEDIA GROUP dhe 1.4 milion euro në dëmshpërblim (plus interesat dhe shpenzimet ligjore) për Digitalb Sh.A, dy transmetuesit legjitimë të cilët u bën pre e piraterisë.

STOCKHOLM, PARIS dhe LONDËR – 4 korrik 2018 – Në atë që ka qenë një nga rastet më simbolike dhe i pa precedent në gjykatat suedeze, për piraterinë e të drejtës ndërkombëtare të transmetimit, ka sjellë dënimet me burgim dhe gjoba të mëdha për tre autorët pas rrjetit Advanced TV Network AB (ATN), operator i televizionit më të madh arab të internetit (IPTV).

ATN është e bazuar në Malmö, Suedi, por gjithashtu ka operacione në Shtetet e Bashkuara, Greqi, Danimarkë dhe Kanada. Aktiviteti i saj përbëhet nga përvetësimi i sinjalit dhe pastaj dekodimi, paketimi dhe ri-transmetimi i kanaleve televizive në klientelën e saj të paguar. Duke u dhënë atyre qasje në mbi 2,000 kanale. Vendimi i shpallur sot ka dhënë një goditje të konsiderueshme ndaj aftësisë së ATN për të ecur përpara. Gjithashtu dërgon dhe një mesazh të fortë për transmetuesit e tjerë piratë anembanë botës, që autoritetet zbatuese po zbatojnë forcën e plotë të ligjit për shuarjen e transmetimeve të paligjshme.

Z. Anders Braf, shefi ekzekutiv i Nordic Content Protection u shpreh se: “Ne jemi të kënaqur që gjykatat suedeze kanë marrë një qëndrim të fortë kundër piraterisë industriale të kryer nga ATN. Anëtarësimi ynë përbëhet nga transmetuesit kryesorë dhe krijuesit e përmbajtjeve në rajonin nordik dhe ne të gjithë kemi një shqetësim të përbashkët për rritjen e sasisë dhe sofistikimit të piraterisë së transmetimit. Jo vetëm që paraqet një kërcënim serioz për financimin e industrisë së televizionit dhe të filmit, por edhe kërcënon financimin e mbajtësve të të drejtave të sportit dhe argëtimit. Dënimet në burg dhe gjobat rekord të dhëna në këtë rast dërgojnë një mesazh të qartë për transmetuesit pirat – industria është duke ndërmarrë veprime të rëndësishme dhe ne do të përdorim fuqitë e plota të ligjit për të sjellë të gjithë autorët para drejtësisë.”

Cameron Andrews, Këshilltar i Lartë Ligjor për Anti-Piraterinë, i grupit beIN MEDIA GROUP tha: “Ky rast ligjor është me të vërtetë i rëndësishëm në luftën kundër piratëve të paligjshëm televizivë. Piratët televiziv si ATN, që ofrojnë paketa me qindra dhe mijëra kanale televizive pirate nga e gjithë bota, dhe pastaj bëjnë para të mëdha duke shitur abonimet. Këto biznese janë parazitë, duke sjellë fitime të mëdha nga përmbajtjet e vjedhura. Dëmtimet dhe dënimet me burgim të urdhëruar nga gjykata suedeze pasqyrojnë dëmin serioz që shkakton pirateria në këtë shkallë. Vendimet e dhëna si këto kundër ATN-së janë tregues të rëndësishëm për industrisë legjitime dhe dërgon një mesazh të fortë se pirateria në këtë shkallë nuk do të tolerohet. Ne sinqerisht falënderojmë Nordic Content Protection për përpjekjet dhe vendosmërinë e tyre për të sjellë piratët para drejtësisë”.

Artikulli: https://www.ncprotection.com/index.php/2018/07/03/landmark-ruling-by-swedish-court/

REKLAMA
loading...

KOMENTO

This site uses Akismet to reduce spam. Learn how your comment data is processed.