Pas përfundimit të “Shiko kush luan”, Luana Vjollca nuk është shfaqur më në ekran, ndonëse po punon për projekte të reja rreth të cilave ende nuk ka detaje. Sakaq, ajo është shumë aktive në rrjetet sociale ku na “ngacmon” hera-herës me postimet e saj. Shumë shpejt ajo pritet të laçojë këngën e saj të re dhe mes bashkëpunëtorëve të saj është Philipp Plein. Tashmë pjesë e familjes “Philipp Plein” Luana i ka besuar imazhin e projektit të ri gjigandit të modës.
Ditën e sotme “Philipp Plein Official” ka publikuar një video të shkurtër nga klipi i saj i cili pritet të publikohet së shpejti. Moderatorja shihet teksa zbret nga një helikopter e rrethuar nga djemë simpatikë teksa shkëlqen e veshur me tre fustane, portokalli, me printe dhe një të zi. Më pas, Luana e ka ripostuar këtë video duke shkruar “Exclusive!!! #ppfamily”.
