Ai është tashmë një shembull konkret i një profesionisti multidisiplinar. Këngëtar, prezantues, autor programi dhe sëfundmi edhe biznesmen në fushën e interior design. Xhani Shqerra është nga ato personazhe që ka ditur gjithmonë të sfidojë veten duke shfrytëzuar talentin në çdo sipërmarrje të tijën dhe shpërblimi më i mirë është padyshim kur suksesi kudo ku ai ka venë dorë.
Televizioni është profesioni që ai ka përqafuar vitet e fundit i angazhuar në dy programe të suksesshme si My Living dhe versioni shqiptar i Shopping Night, transmetuar në Living dhe Vizion Plus. Dy programe që do të rikthehen me sezonet e reja gjatë muajit tetor. Por ndërkohë sezoni i ri televiziv pritet të nis së shpejti Xhani ka vendosur t’i dedikohet edhe dashurisë tjetër, muzikës.
U bë kohë që ai i mungon publikut si këngëtar me një publikim të ri. Edhe pse të pakta projektet e tij muzikore janë vlerësuar gjithmonë për nivelin e tyre dhe duket se edhe këtë herë Xhani Shqerra do të na surprizojë me rikthimin e tij në muzikë. Ai është duke punuar për këngën e re e cila do të jetë një baladë e ndjerë me kompozim dhe produksion nga i mirënjohuri Gent Myftaraj, ndërsa teksti i është besuar Olti Currit. Kënga risjellë në industrinë muzikore këngëtarin pas suksesit të “Chanson d’Amour” në Top Fest 7 dhe “Pa fund”. Kënga me titull “Aromë kujtimesh” do të paraqitet edhe me videoklipin zyrtar, për të cilin në produksion nuk do të mungojë në realizimin e konceptit edhe vetë Xhani. Projekti muzikor pritet të publikohet në fund të muajit shtator. Ne i urojmë suksese Xhanit dhe presim me padurim të dëgjojmë këngën e re!
