Your Song: La canzone del secolo, një format shqiptar mbërrin në Mediaset?

Mediaset ka zbuluar para pak ditësh sezonin e ri televiziv Vjeshtë 2016, gjatë një eventi madhështor ku u prezantuan programet dhe risitë që tre kanalet gjeneraliste do të ofrojnë për publikun italian gjatë mujave në vazhdim.

Midis programeve të njohura dhe atyre të rinj ajo që na bëri përshtypje ishte formati me titull ‘Your Song:La canzone del secolo’. Nëse akoma nuk e keni kuptuar, që në tutitull, për ata që kuptojnë sadopak italishten, vumë re ngjashërinë me një format televiziv të njohur shqiptar. E kemi fjalën për programin muzikor ‘100 Këngët e Shekullit’, me autor Pandi Laçon, i transmetuar në Tv Klan disa vite më parë. Formati i Mediaset u prezantua si një show muzikor ku këngëtarë të njohur italian por edhe këngëtarë të ftuar internacional do të këndojnë këngë nga repertori i muzikës italiane dhe botërore përpara një publiku që do të votojë për të përzgjedhur këngën e shekullit. Sipas TvBlog programi do të transmetohet në dy netë, në datë 7 dhe 8 dhjetor 2016. Një event muzikor që do të transmetohet drejtëpërdrejtë në kanalin kryesor Canale 5. Një tjetër detaj që u vumë re dhe që shtoi edhe më shumë dyshimet se ky format mund të jetë i frymezuar nga ai shqiptar është edhe skenografia, e cila i është besuar Gaetano Castelli-t, emër i njohur për shqiptarët i angazhuar prej vitesh në Tv Klan, ku ka realizuar skenografitë e shumë programeve edhe të ‘Këngët e Shekullit’. Gjithashtu, formula e formatit italian paraqitet shumë e ngjashme me atë të formatit të Tv Klan, ku big-ët e muzikës shqiptare performonin këngë të famshme shqiptare dhe të huaja çdo javë, me një temë të caktuar. Këngët e Shekullit është transmetuar në Klan në vitin 2004.

Edhe pse nuk kemi informacion nëse Mediaset ka blerë një format të tillë nga Shqipëria, ngjashmëritë janë të mëdha dhe ky do të ishte rasti i parë që një format vendas zbarkon në vendin fqinj, nga i cili televizionet shqiptare kanë huazuar shumë formate.

REKLAMA
loading...

KOMENTO

This site uses Akismet to reduce spam. Learn how your comment data is processed.