Ditë më parë ju vumë në dijeni se Legendary Entertainment ishte e interesuar për realizimin e filmit të parë live-action të Pokemon, sot lajmi është bërë zyrtar. Kompania ka nënshkruar një marrëveshje me Pokémon Company për prodhimin e filmit me titull Detective Pikachu.
Filmi është i bazuar në video lojën që doli në treg në Japoni në muajin shkurt dhe ka për protagonist një nga personazhet më të dashur të Pokémon. Në lojë, Pikachu është i aftë të flas dhe ka për trajner një djalë me emrin Tim Goodman, me të cilin do të mundohet të zbulojë një sërë misteresh që kanë të bëjnë me personazhet e tjerë të universit Pokemon.
Produksioni i filmit është caktuar të fillojë në vitin 2017 dhe distribucioni në vendet e tjera jashtë Japonisë do të bëhet nga Universal ndërsa në territorin japonez të drejtat e shpërndarjes i jane besuar agjensisë Toho.
Marrëveshja midis Legendary Entertainment dhe Pokémon Company është arritur pas dy javësh nga hedhja në treg e Pokémon Go, loja interaktive që po bënë bujë në të gjithë globing dhe sëfundmi edhe në Shqipëri.
Mbetet akoma enigmë subjekti i filmit dhe aktorët që do të luajnë me personazhet e Pokemon, emra të cilët pritet të jenë të famshëm nga kinematografia botërore.
