Gjithçka është gati. Your Face Sounds Familiar do të nisë edicionin e dytë në teatrin e Tv Klan më 20 shkurt. Formula e gjigantit Endemol, pas suksesit të vitit të kaluar, do të risjellë edhe këtë vit të tjera karaktere që do të ngjiten në skenën e Tv Klan për të surprizuar publikun javë pas jave jo vetëm me këngë, por edhe me interpretim e performanca të jashtëzakoshme.
Produksioni i Tv Klan ka konfirmuar edhe emrat e konkurrentëve pjesëmarrës: Shpat Kasapi, Flaka Krelani, Beatrix Ramosaj, Valon Shehu, Erion Mustafaraj, Arinda Gjoni. Çdo të hënë ata do të sjellin para jurisë dhe publikut këngëtarë të skenave botërore, por edhe asaj shqiptare. Juria e programit, e përbërë nga Olta Gixhari, Arian Çani dhe Albërie Hadërgjonaj, po ashtu është gati të gjykojë personazhet e rinj që do të luftojnë për të marrë pikët maksimale.
