Kanë filluar tashmë përgatitjet për emisionet speciale të programeve të njohura. Televizionet kryesore tashmë janë në garë për të ofruar më të mirën mbrëmjen e ndërrimit të viteve. Kështu njëri prej emisionevemë të ndjekur të sezonit, Shiko kush Luan pritet të të sjellë në mbrëmjen e parë të vitit një episod plot surpriza dhe të ftuar special. Do shtoja tepër special!
Sipas CNA.al Luana Vjollca do të nderohet me prezencën e Kryeministrit të vendit, Edi Rama. Pas shfaqjes së mbrëmshme tek emisioni i Blendi Fevziut ku dha një intervistë ndryshe, Rama do të marrë pjesë në shown e Shiko kush Luan.
Kryeministri do të bëhet pjesë e lojërave të emisionit që do të transmetohet në datën 01 Janar të vitit 2021. Mësohet se emisioni është regjistruar, tashmë po montohet që të transmetohet për publikun.
Kjo nuk është hera e parë që Edi Rama bëhet pjesë e një emisioni argëtues, pasi kujtojmë se vite më parë u bë pjesë e emisonit të Ermal Mamaqit, ku shfaqej nga dushi në shtëpinë e tij në Surrel, si piktor, edhe si kryeministër. Fotot qarkulluan gjatë në rrjetet sociale ku nuk munguan dhe memet.