Kryeministri Rama ishte sot në Spitalin Infektiv, ku uroi mjekët për ditën e Krishtlindjes dhe i dhuroi lule, ndërsa foli edhe për planet e qeverisë së tij në shëndetësi dhe për luftën kundër Covid-19. Rama ndër të tjera bëri me dije se Infektivi do të rindërtohet së shpejti dhe do të kthehet në një spital modern, ndërsa tha se është gati projekti për nisjen e procesit të vaksinimit që në javën e parë të janarit.
Kreu i qeverisë tha se së bashku me Ministren e Shëndetësisë kanë nisur adoptimin e statidumit “Air Albania”, në mënyrë që ekipet të cilët do realizojnë vaksinimin të vendosen aty, në një mjedis që do të jetë i hapur dhe do të shmangë radhët.
“Bashkë me ministren kemi filluar të adapotojmë një projekt te stadiumi “Air Albania” për të vendosur gjithë ekipet që do bëjnë vaksinimin. Sepse siç kemi dëgjuar e ç’na kanë sygjeruar në mjedis të hapur është shumë më mirë për të patur edhe radha të kontrolluara. Sigurisht mjedis i hapur por prapë edhe i mbyllur, aty po bëjmë një projekt shumë të bukur që do jetë gati besoj në fillim të janarit.- tha Rama dhe shtoi:
“Në javën e parë të janarit do e kemi të instaluar dhe do fillojmë me vaksinimin kështu që shumë shpejt do t’ju imunizojmë juve një herë e hap pas hapi edhe grupet e prioriteteve. Ne kemi vendosur, mjekët, mësuesit edhe punonjësit e policisë, që janë më në kontakt me njerëzit dhe më pas do të përshkallëzohet me të tjerët. E të gjithë thonë se në mars prill dozat do të jenë më shumë e më pas jam i bindur se do nisë të ketë teprica, sepse prodhimi është futur shumë fort në linjë”
