Disa ditë më parë në portalin tonë u bëmë të ditur se gazetari i sektorit të politikës në televizionin “Top Channel”, Muhamed Veliu, ka ngritur një padi për shpifje ndaj dy kolëgëve të tij gazetarë, Armand Shkullakut dhe Andi Bushatit. Shkak është bërë një shkrim i publikuar në portalin e drejtuar nga këta dy të fundit “lapsi.al”.
Me regjistrimin e çështjes në gjykatë, janë mësuar edhe detajet e çështjes dhe shuma që kërkon Veliu si dëmshpërblim.
Ja detajet e çështjes civile Nr. 11659, Gjykata e shkallës së parë Tiranë:
Nr. i Çështjes: 11659
Dt. e regjistrimit: 15.09.2015
Paditesit: Muhamed Veliu
Te paditurit: Lapsi.Al SH.P.K , Andi Bushati , Armand Shkullaku
Lloji i Çështjes: Padi Shkaktim Demi (Neni 608-654)
Baza Ligjore: Neni 608 – 654
Objekti: Detyrimin e te paditurit për të demshpërblyer dëmin jopasuror në masen prej 6.000.000(gjashtë milion) lekë të reja. Detyrimin e lë paditurit që të publikoje një përgënjeshtrim për lajmin e datës 08.07.2015 me titull “Merkel i përgjigjet ftohtë pyetjes së parapërgatitur të Top Channel”, të publikuar në portalin Lapsi.al si dhe fshirjen e çdo publikimi nga i padituri me përmbajtje shpifëse dhe fyese.
Statusi i dosjes: Gjykim
Gjyqtari: Ibrahim Hoxha
IMA
