Zbulohet mashtrimi i Lapsit me 75.000 rrefugjatë sirianë!

Pamvarsisht se janë paditur në gjykatë për shpifje portali Lapsi, i Armand Shkullakut dhe Andi Bushatit, vijon të trillojnë lajme. Kësaj here ky portal ka mashtruar opinionin publik me një tjetër lajm gjoja duke i’u referuar gazetës “The Daily Telegraph” në Angli dhe “Bild” në Gjermani.
Ja cfarë raporton Lapsi.
“Sipas gjermanes “Bild” dhe anglezes “The Daily Tepegraph”, qeveria shqiptare po dakordësohet me Bashkimin Europian për të strehuar në Shqipëri të paktën 75 mijë refugjatë sirianë. Deri më tani ky vendim është mbajtur i fshehtë nga publiku në Shqipëri, njësoj si në rastin kur po negociohej për marrjen e armëve kimike të Sirisë. E ndërsa s’i mori armët, Rama duket se do t’i pranojë Sirisë disa nga refugjatët e saj të luftës. Sipas këtyre raportimeve, sirianët do të strehohen nëpër kazerma të vjetra ushtarake.”
Mediat e huaja  Shqipëria do të pranojë 75 mijë refugjatë sirianë   Lapsi.al
Por nga një kërkim i IMA në faqet online të këtyre dy gazetave rezulton se një shkrim i tillë nuk është botuar kurrë dhe thjesht është një artikull i krijuar nga imagjinata e Lapsi-t.
Për këtë shkrim drejtori komunikimit në kryeministri Endri Fuga, në  një postim në Twitter thotë:
“Portalet në Shqipëri funksionojnë mbrapsht. Botojnë lajmin, pastaj kërkojn konfirmim. Lajmi për refugjatet sirianë është i pavërtetë”.
I pyetur për këtë shkrim zëvendës kryeministri Niko Peleshi ka deklaruar:
“Nuk është e vërtetë nuk kemi asnjë negociatë apo shifër konkrete apo bisedime zyrtare lidhur me ndonjë numër të mundshëm rrefugjatësh të cilët do të mund të strehohen këtu.  Pra të gjitha besoj janë spekullime ose hamendësime. Nuk ka asnjë negociatë edhe shifër konkrete të negociuar nga ne.”
Shkrimi ka ngjallur edhe indinjatën e lexuesve të Lapsit. Ja disa prej komenteve:
“Lajm i rreme dhe bllof”
“Cjane keto idiotesira. Eshte totalisht e palogjikshme. Ky eshte tipik lajm per Lapsi.al, lajmet e rreme i ka te pafundme ky portal.”
“Se mar vesh si nxjerrin kto lajme skandaloze te paverteta dhe pa as nje baze vertetsie Turp turp turp Asgje nuk eshte e vertete pa u bere publike nga organet perkatese”.
“Ca eshte ky skandal me sa per te marr ndonje klikim ci keni kto lajme kot me kot se asgje seshte e vertet, duke pare se qeveria e ka pranuar si problem ceshtjen e azilanteve shqipetare nuk ka shance te beje kte qe thoni ju, po duket stili i shpifjes se saliut dhe ktu te lapsi, sikur e ka shkruar vet madje.”
“Brackulla, vetem brrockulla. Media te blera per te perhapur tension. kjo eshte me ja fut vizen medias tuaj dhe atyre qe sajojne”
„Jo po 7.5 milione. Muhabete kafenesh. Trillime, trillime, trillime. E kush mund ta haje kete, nje gje e tille eshte e pamundur. Sigurohuni nje here para se ti hidhni keto dreq lajmesh.”
“Çdo ditë dëgjojmë lajme fallco po kjo i kalon kufijtë e imagjinatës. Nuk e kuptoj,ata që i shkruajnë këto lajme i kanë parë gjë nëpër ëndrra apo kanë si profesion shpifësin dhe jo gazetarin!!! I shkreti popull që dëgjon përditë mashtrime dhe shpifje thuaj”
“Me duket fare jo normale qe nje media online qe ne ditet e sotme eshte duke disinformuar , kjo eshte dicka joetike . si mund te aludosh per dicka kaq serioze e te alarmosh popullin per gjera te paverteta po kur ske ci ben gomarit i bie samarit”.
„Nuk eshte lajm i vertet. Mos shpifni vetem per te bere lajme per ghera qe jane pa fakte. Keto jan dezinformime”.
“Perse nuk publikoni faksimilet e ketyre dy gazetave qe ju citoni?”
Normalisht shqetësimi parësor në përcjelljen e lajmeve do të duhej të ishte burimi i informacionit. Për këtë Lapsi mjaftohet me citimin e dy gazetave, Bild dhe The Telegraph, por asnjëra prej tyre nuk e raporton gjëkundi një lajm të tillë.
unnamed (1)
unnamed
Duke nënvizuar se kjo nuk e përjashton aspak mundësinë e bisedimeve jopublike rreth çështjes, fokusimi shkon te mënyra e të bërit gazetari, pasi portali përpiqet të certifikojë atë çka pretendon se njeh ose dëshiron të njohë me një (dy) sajim, që pastaj shndërrohet në informacion e merr dhenë virtuale.
Vërtetë lajmi mund të gjendet i cituar në ndonjë faqe në anglisht, por burimi është një copëz twitter, e filtruar nga ABC, që të shpie të Lapsi.
Pra, sepse këtu ka parodi, miletit i serviret mashtruesi me mashtrim, dhe turma duhet të besojë prometejtë e gazetarisë, si pushtet i pavarur dhe i lirë.
Po ç’liri dhe ç’pavarësi?
Sigurisht jo varësi nga etika e as nga respekti ndaj publikut. Është një gazetari e ngjashme me modelin 1997, që kontribuoi në kthimin e vendit shkrumb e hi po aq sa edhe bandat.
Dhe duket se nuk ka të sosur, përderisa baltaxhi dhe vjedhës artikujsh botohen si mendimtarë, të tjerë kanë zaptuar ekranet, aq sa mund t’i zëvendësojmë numrat e telekomandës me emrat e tyre.
Tragjedia është se këto kanë monopolizuar edhe alernativën.
IMA
REKLAMA
loading...

KOMENTO

This site uses Akismet to reduce spam. Learn how your comment data is processed.