Ish-sulmuesi i njohur i Juventusit, **Douglas Costa**, ka bërë një hap të ri dhe të pazakontë në karrierën e tij duke krijuar një llogari në platformën **OnlyFans**, e cila njihet për përmbajtje ekskluzive dhe shpesh për të rritur. Në një postim të bërë në rrjetet sociale, Costa ka ndarë me fansat motivet që qëndrojnë pas këtij vendimi.
“Kam vendosur të krijoj një llogari në OnlyFans për të sjellë përmbajtje ekskluzive për fansat e mi. Do të jetë një hapësirë ku mund të ofroj diçka që nuk mund ta gjeni askund tjetër,”ka shkruar Costa. Ai shtoi gjithashtu se beson në fuqinë dhe potencialin global të platformës**, duke e cilësuar partneritetin si një mundësi interesante dhe të suksesshme.
Ky vendim ka ardhur si një surprizë për ndjekësit e tij, të cilët e njohin Douglas Costa kryesisht nga karriera e tij e shkëlqyer në futboll, ku ka luajtur për klube si Shakhtar Donetsk, Bayern Munich, Juventus dhe së fundmi pë Fluminense
në Brazil. Me këtë lëvizje, Costa duket se po eksploron mundësi të reja jashtë fushës së futbollit, duke ndjekur një drejtim të pazakontë për një sportist të profilit të tij.
Mbetet për t’u parë se çfarë përmbajtjeje ekskluzive do të ofrojë Costa në OnlyFans, ndërsa ky hap i ri ka ngjallur interes dhe diskutime në mesin e tifozëve dhe komunitetit të sportit.
