Zbulohen dy anëtarët e parë të “Virtuozët” në TV Klan

Bashkohuni me grupin tonë zyrtar në Facebook duke klikuar këtu!

1 shkurti është data zyrtare kur në Tv Klan do të nisë transmetimin “Virtuozët”, një format tjetër i ri, i cili do të ketë personazhe fëmijë dhe të rinj të talentuar të muzikës klasike. I gjithë produksioni dhe Inva Mula, sopranoja e njohur që do të vijë në rolin e prezantueses, kanë nisur përgatitjet për këtë format të ri, i cili është një sfidë e re e ekranit shqiptar.

 

Po cila është juria e këtij programi? Ende nuk janë zbuluar të gjithë emrat, por i pari që është mësuar është balerina e njohur italiane Anbeta Toromani. Siç ka mësuar Blitz.al, Anbeta do të jetë pjesë e jurisë së këtij spektakli, meqenëse shumë fëmijë do të konkurrojnë edhe në zhanrin e baletit.

 

Anbetën, të gjithë e kanë ndjekur në “Amici” si balerinë profesioniste, por publiku shqiptar do të ketë dyfish interes për ta parë balerinën në një program shqiptar.

Përveç Anbetës, në juri do të jetë edhe kompozitori i njohur David Tukiçi.

“Virtuozët” do të nisë transmetimet të dielën, më 11 shkurt 2018.

BurimiRevista Class
Artikulli paraprak“The Voice Kids 2”, 72 konkurrentë të vegjël në garë për zërin më të mirë
Artikulli tjetërStarton “Real Story” nga Sokol Balla: Vizion Plus “vjedh” panelistët e Top Channel