Disa javë më parë, moderatorja Floriana Garo surprizoi ndjekësit në rrjetet sociale me lajmin e fejesës së saj dhe vetëm pak më vonë, bëri të ditur se sezon i i shkuar televiziv ishte dhe i fundit për të në emisionin ‘Jo vetëm modë’, pasi ajo do të zhvendosej në Zvicër për të bashkëjetuar me partnerin Enis Daci.
Por ky nuk ëhstë fundi i emisionit në televizionin ‘Klan’, pasi siç bën të ditur ‘Blitz.al’, producentët kanë gjetur një zëvendësuese për Florianën. Mësohet se bukuroshja që do t’i zërë vendin, është gjithashtu një ish-Miss.
Bëhet fjalë për Nevina Shtyllën, e cila pak kohë më parë u bë pjesë e televizionit ‘Klan’ për spektaklin ‘Maratona e Këngës’. Në të shkuarën, Nevina ka qenë prezantuese në televizionin ‘In Tv’ si dhe ka prezantuar një edicion të festivalit ‘Kënga Magjike’ së bashku me Ardit Gjebrean dhe kolegët e saj të ‘In Tv’.
