Me fillimin e sezonit të ri, ndryshime në ekranet e mediave kanë qenë të mëdha. Shumë figura të njohura kanë lëvizur, duke ndryshuar format apo edhe duke u larguar për një profesion tjetër. Ndërkohë që, si çdo sezon, edhe ky ka sjellë risi në një nga programet “denoncuese”, siç është “Stop”, ku ka sjellë gura të reja në vendin e velinave të mëparshme. “Stop”, programi popullor tashmë për publikun, ka rinisur me ndryshime. Siç ishte lajmëruar më herët, dy velinat që do të shoqërojnë Saimirin dhe Gentin nuk do të jenë më Alba dhe Ensa, dy balerinat e trupës së baletit në “Tv Klan”, por dy “kaptere” të reja të anijes së “Stop”-it.
Pak para se të fillonte programi, në puntatën e fundit, Saimiri dhe Genti kanë prezantuar dy velinat që do t’i shoqërojnë gjatë sezonit të ri – Alesia Bami dhe Onelda Shkjau. Alesia njihet si një nga modelet më të bukura të Shqipërisë, e kemi parë shpesh të shfaqet në foto në evente të ndryshme mes modeleve të tjera. Si gjithnjë provokuese, Alesia, kësaj radhe do të jetë edhe gura e velinës në emisionin më të ndjekur në Shqipëri. Ndërkohë që bukuroshja tjetër bionde, Onelda Shkjau, është një figurë e re për ekranin e medias, që promovohet për herë të parë nëpërmjet këtij formati televiziv.
Burime për GSH kanë thënë se velinat e emisionit që transmetohet çdo mbrëmje në Klan Tv paguhen jo më pak se 600 euro. Kjo shifër është mëse mikluese për dy bukuroshet tona, por, pse jo, edhe për ato që kanë qenë para tyre në këtë emision. Një shifër e tillë nuk mund të diskutohet në formatin konkurrent të “Stop”, siç është “Fiks Fare”, ku burimet thanë se pagesa arrin në 400 euro.
Një diferencë shumë e madhe mund të themi ndërmjet të dyjave, arsye kjo që mund të ketë bërë të lëvizin edhe figurat kryesore të tij. Këtë sezon të ri, përveç denoncimeve të shumta që do të vijnë në adresë të emisionit, do të shohim kërcimin e dy velinave tona të reja, të cilat çuditërisht kanë një ngjashmëri të madhe me njëra-tjetrën./GSh/
