Emisioni i mbrëmshëm “Zonë e Lirë” i Arian Çanit ka lënë pa fjalë shumë teleshikues që kanë asistuar hyrjen në studio të një hajduti me maskë që pranoi të ketë vjedhur 10 ditë më parë kompaninë “Neranxi”, e gjithe kjo perpara pronarit të kompanise, i cili ishte i ftuar per te treguar me shume detaje rreth grabitjes.
Të menjehershem kane qene reagimet e publikut ne rrjetet sociale kunder emisionit duke e cilesuar si aspak etike situaten e krijuar. Por ne fakt e gjitha kjo ka qënë një shfaqje televizive, pasi personazhi që fshihej pas maskës ishte thjesht aktori i teatrit Besmir Bitraku.
I gjithë ky show është marrë si i vërtetë edhe nga policia, e cila ka dërguar menjëherë jashtë studiove të televizionit Klan, forcat e policisë së rajonit nr. 4, për ta arrestuar aktorin pasi besoi se ai ishte hajduti i vërtetë. Këta të fundit e kanë shoqëruar Bitrakun në rajonin e policisë, pavarësisht këmbënguljes së këtij të fundit se e gjitha ka qënë aktrim dhe nuk është e vërtetë së ai është hajduti i shumës së parave të vjedhura te kompania në fjalë.
Ndalimi dhe shoqërimi i tij në rajonin e policisë është bërë me argumentimin se ka qënë vetë aktori që ka pranuar, para të gjithëve se ai kishte vjedhur të Kompania “Neranxi”, kështu që ai është i dyshuari i kësaj vepre penale.
Lajmin e ka bërë me dije Tv Klan, i cili ndër të tjera ka thënë se qëllimi i drejtuesit të emisionit “Zonë e Lirë”, Arian Çani ka qënë për t’i treguar teleshikuesve se hajduti ose keqbërësi mund të gjendet kudo pranë nesh.
