Është zyrtare: gjigandi amerikan televiziv on-demand, Netflix do të jetë i disponueshem në Itali nga 22 tetori.
Përmes një deklarate për shtyp kompania ka njoftuar të gjitha detajet e ofertës për abonentët italian që do t’i bashkohen kësaj platforme.
Kështu çmimet e abonimeve do të fillojnë nga 7,99 euro, që varion në bazë të tre paketave, të pasura me një gamë të gjerë programesh që përfshijnë serialet origjinal ekskluziv, dokumentaret dhe filmat.
Disa nga titujt që do mund të ndiqen në këtë platformë janë serialet Marvel – Daredevil, Sense8, Grace and Frankie, Unbreakable Kimmy Schmidt, Marco Polo dhe Narcos, documentarët e vlerësuar nga kritika si Virunga dhe Mission Blue, docu-seriali Chef’s Table, si dhe filmi me metrazh te gjate prodhuar nga Netflix, Beasts of No Nation. Gjithashtu, nuk do të mungojnë edhe programet për të rinjtë dhe femijët
Një nga serialet origjinale Netflix që do të debutojë më vonë këtë vit është Marvel – Jessica Jones, i dyti nga katër serialet Marvel ekskluzive vetëm në Netflix, për të vazhduar me mini-serialin The Defenders, që bashkon personazhet e katër serialeve të mëparshëm.
Përveç serialeve abonentët do të kenë mundësinë të ndjekin edhe filmat origjinal Netflix si Crouching Tiger, Hidden Dragon The Green Legend, Jadotville, The Ridiculous 6 dhe War Machine i Brad Pitt.
Netflix do të jetë i disponueshëm në formatin HD dhe Ultra HD 4K.
Spoti Promovues
