Tring Digital ka konfirmuar zyrtarisht për Info Media Albania se dy formatet e reja Blind Taste dhe Shopping Queens për një sezon të dytë.
Formati i gatimit Blind Taste do të ketë një sezon të dytë. Kanë filluar përgatitjet për edicionin e ri, ku për këtë sezon priten ndryshime ne format. Kësaj here protagonistë nuk do jenë persona publikë, por ata që kanë pasion gatimin. Ashtu si vitin e kaluar, moderatori i këtij formati do të jetë Florian Agalliu, të cilit mesa duket do i bien mbi supe si “Dancing…” edhe “Blind Taste”.
Blind Taste është një format gatimi, që përfshin një kuzhinier të famshëm dhe 4 konkurrentë që ndryshojnë çdo javë. Konkurrentëve u caktohet një recetë gatimi, të cilën do të duhet ta realizojnë në kuzhina të ndara në vetëm 2 orë. Produkti do të jetë i njëjtë, por shija e tij do të jetë e ndryshme. Ata do të shijojnë produktin me symbyllur, për të vlerësuar kështu pjatën më të mirë pa e ditur se e cilit është.
Një sezon të dytë do të ketë edhe game show i stilit dhe veshjes Shopping Queens, i cili në sezonin e parë u prezantua nga Aurela Hoxha. Ndryshe nga Blind Taste, përgatitjet për këtë format ende nuk kanë filluar dhe nuk bëhet e ditur nëse do të konfirmohet sërisht e njëjta prezantuese.
Të dy formatet pritet të jenë gati për sezonin e ri televiziv dhe parashikohet të nisin gjatë muajt tetor.
Blind Taste dhe Shopping Monsters janë patenta ndërkombëtare të Global Agency, dhe në Shqipëri të drejtat e prodhimit zotërohen nga Tring Digital.
IMA / J. Kasaj / N. Lako
