Diriliş – Ertuğrul (Ringjallja – Ertuğrul) është seriali më i ri që ka blerë TV Klan dhe që do të nis shumë shpejt transmetimin.
Një serial i zhanrit historik, produksion i vitit 2014 prodhuar për TRT 1 dhe i vlerësuar për nga ndjekshmëria si seriali më i mirë i sezonit televiziv 2014. Seriali numëron 2 sezone me nga 27 episode (110–125 minuta) dhe vazhdon ende të jetë në transmetim.
Subjekti i serialit Diriliş – Ertuğrul është i bazuar në historinë e Ertugrul, djali i Sulejman Shahut dhe babai i Osmanit të I-rë që themeloi Perandorinë e madhe Osmane.
Në cast gjejmë aktorët Engin Altan Düzyatan, Hande Subaşı, Didem Balçın, Serdar Gökhan, Kaan Taşaner, Hülya Darcan, Esma Bilgiç.
Seriali ka për autor dhe regjisor Mehmet Bozdağ dhe producent Metin Günay. Kolona zanore është kompozuar nga Alpay Göktekin. Episodi i parë është transmetuar të Mërkurën ora 19.55 e 10 Dhjetorit 2014 në TRT 1.
Koreografia e serialit është bërë nga Nomad, koregraf i filmave The Expendables 2, 47 Ronin and Conan the Barbarian.
Në TV Klan seriali do të transmetohet pas 11 tetorit, pas përfundimit të serialit Diamante dhe Dashuri, çdo të shtunë ora 21:00 dhe të diel ora 20:10.
